Елімізде жыл сайын қыркүйектің екінші жексенбісін Отбасы күні ретінде атап өтеді. Айтулы мерекеге орай бүгін «Нұр Астана» мешітінде үлгі аларлық, игі шара өтті.
Шара барысында «Нұр Астана» мешітінде 2021 жылда алғашқылардың бірі болып некесін қидырған үш жас отбасы шақырылып, оларға мешіттің бас имамы Нұрлан Рамазанов сый-сияпат табыстады. Сыймен қатар бас имам келген жас отбасыларға отбасы бірлігі мен тыныштығын сақтау жөнінде тұшымды насихат айтып, жанұя жарасымына қол жеткізу жолдары жайлы баяндады.
Отбасы құндылықтар жөнінде сабақ боларлық насихат айтып, қасиетті Құран аяттары және Пайғамбар (с.ғ.с.) өмірі мен өсиеттерінен үлгі көрсеткен бас имамның насихаты жас отбасылар үшін орны бөлек азық болды.
ummet.kz
Бөлісу: