Ардақты ағайын, қадірлі қазақ жұрты! Мінекей, тәуелсіз елдің көгінде ақ көгершін ұшырып, татулық пен достықты паш ететін көктемнің мерейлі мейрамы да мамырдың бірімен есік қақты.

Қазақстан мұсылмандары діни басқармасының төраға орынбасары, «Әзірет Сұлтан» мешітінің бас имамы Серікбай қажы Ораз «Қазақстан» ұлттық телеарнасының тікелей эфирінде өткен «Шын жүректен» атты қайырымдылық теле-марафонына қатысты, деп хабарлайды Muftyat.kz.

ҚМДБ жанынан құрылған Республикалық ақпараттық-насихат тобының (РАНТ) теолог ғалымдары Сансызбай Шоқанов пен Бауыржан Отарбаевтың бүгінгі дәрісі «Абу Даби Плаза» құрылыс кешенінде жалғасты. Сонымен қатар, кездесуге "Нұр Астана" орталық мешітінің наиб имамдары Қабылбек Жұмабеков пен Марат Бектазинов қатысты. 

РАНТ мүшелерінің келесі кездесуі «Абу-Даби Плаза» құрылыс кешеніндегі құрылысшы қауымға арналды. Атап айтсақ, ҚМДБ-ның наиб мүфтиі, «Нұр Астана» орталық мешітінің бас имамы Наурызбай қажы Тағанұлы, ҚМДБ «Шариғат және пәтуа» бөлімі меңгерушісінің орынбасары Сансызбай Шоқанов, дінтанушы Бауыржан Отарбаев құрылысшыларға дін атын жамылған теріс ағымдарға арбауынан сақтану, шынайы ислам жайын түсіндірді. Дінтанушы Б.Отарбаев орыс тілінде экстремистік идеялардың алдын алу туралы кеңінен айтып өтті.