Қайырымдылық жәрмеңкесі ұйымдастырылды

Жуырда ҚМДБ-ның Шымкент қалалық Жастар ісі және Әйел-қыздар секторының ұйымдастыруымен әл-Фараби аудандық «А.Қаттани» мешітінде қайырымдылық жәрмеңкесі ұйымдастырылды.

Жолаушыларға қызмет көрсететін мешіт ашылды

Бас мүфти Наурызбай қажы Тағанұлы аймақтардағы өкілдіктеріге жол бойындағы мешіттерге қолайлы жағдай жасауға байланысты бастама көтерген болатын.

Жат ағымнан сақтану жолдары талқыланды

Шымкент қалалық №6 Тамақтандыру индустриясы және сервис колледжінде діни ағымдардың алдын алу шаралары жөнінде онлайн және офлайн түрінде семинар өтті.

Садақ ату өнері – пайғамбар сүннеті

Ел Тәуелсіздігінің 30 жылдығына орай Алматы облысы Іле ауданында «Садақ ату өнері – пайғамбар сүннеті» атты мешіт жамағаты мен имамдар арасында садақ атудан сайыс өтті.

Сектор меңгерушісі қари қыздармен сұхбаттасты

ҚМДБ Әйел-қыздар секторының меңгерушісі Ақбөпе Төлегенова екі күндік іс-сапармен Түркістан облысына келді.

AMIN.KZ медиа орталығы жұмысын бастады

Атырау орталық мешітінде amin.kz сайтының төл жобаларын жүзеге асыру мақсатында арнайы медиаорталық ашылды.

Атырауда «Халық арна» телеарнасының филиалы ашылды

Бүгін Атырауда «Халық арнаның» аймақтағы филиалы ашылып, жұмысын бастады. Қазақстан мұсылмандары діни басқармасы төл арнасының филиалы тұңғыш рет Атырау облысында ашылып отыр.

Орталық «Иманғали» мешіті​ жанынан жұмысын бастаған каналдың ашылу рәсімі қасиетті Құран аяттарын оқылуымен басталды. Бұдан соң Бас мүфти Наурызбай қажы Тағанұлының құттықтау хаты оқылды.

«Қазіргі уақытта имамдар алдында ақпарат алаңына иелік ету міндеті тұр. Қоғамға қажетті, ізгілікті ту етіп көтеретін, адамгершілікке шақырып, ой салатын тақырыптарды көтеріп, сүбелі сұхбаттар ұйымдастырып, әсерлі уағыз-насихат жүргізу қажет. Жаңа студия құнды ақпарат пен құнарлы уағыздың алаңы болсын деп тілеймін» делінген құттықтауда.

Филиалдың ашылу рәсіміне арнайы қатысқан Ақпарат және қоғаммен байланыс бөлімінің меңгерушісі Марат Бектазинов жаһандану дәуірінде кез келген салада шұғыл әрі нақты дерек көзіне айналудың маңызды екенін атап өтті.

«Қазақстан мұсылмандары діни басқармасының басты мақсаты – бұқара арасында асыл дінімізді, ділімізді, дәстүрімізді кеңінен дәріптеу. Мүфтиятқа қарасты 19 өкілдік болса, алғаш болып Атырауда ашылып отырған «Халық арнаның» филиалы рухани, мәдени жаңалықтар ордасына айналады деп сенемін» деді Марат Бектазинов.

Атырау облысының бас имамы Алтынбек Ұтысханұлының айтуынша, еліміздің руханият саласында айтулы жаңалық орын алып отыр.

«Ақпарат саласының маңызына дер кезінде назар аударған Бас мүфти​ Наурызбай қажы Тағанұлы «Халық арнасының» ашылуына тікелей ықпал етті. Ақпарат кеңістігіне енді жол салған «Халық арна» өз аудиториясы бар ірі каналға айналарына сенеміз» дейді Алтынбек Ұтысханұлы.

Филиал студиясы төрт блоктан тұрады. Арнайы жасақталған студиялар телевизиялық хабарлар, рухани сұхбаттар, түрлі форматтағы түсірілімдер жасауға мүмкіндік береді. Телевизия саласына қажетті заманауи құрал-жабдықтармен қамтамасыз етілген студия осылайша облыстағы рухани, діни жаңалықтар туралы хабарларды республика көлемінде таратуға мүмкіндік беріп отыр.

Атап өтерлігі, карантин талаптары қатаң сақталып өткен салтанатты шараға Атырау облысы Дін істері басқармасының басшысы Хайролла Көшқалиев, Атырау облыстық ардагерлер кеңесі төрағасының орынбасары Серік Қалжанұлы, «Атырау-Ақпарат» медиасеріктестігінің директоры Ысқақ Егембердиев, «Атырау» телеарнасының директоры Қанат Әуесбай, ақсақалдар және жергілікті медиа саласының өкілдері қатысты.​

Еске сала кетейік, былтыр ҚМДБ-ның 30 жылдық мерейтойы қарсаңында мүфтият жанынан «Халық арна» телеарнасы ашылған болатын. Бүгінгі таңда телеарна «Отау ТВ», «IdTV» кабельдік желілері арқылы хабар таратып келеді.

Студенттерге «Зияткер имам» құжаты таныстырылды

Тараз қаласындағы «Һибатулла Тарази» медресе-колледжінде 1 курс студенттерімен кездесу өтті.

Тегін такси акциясы өтті

Павлодар облысы Шарбақты ауданына қарасты ауылдарда «Қайырымды ауыл» тегін такси акциясы ұйымдастырылды.

Тазалықшыларға азық-түлік қоржыны берілді

Қыстың ызғарлы күнінде мешіт қызметкерлері Қызылорда қаласының тазалығын қамтамасыз етіп отырған еңбеккерлерге сый жасады.

Қайырымдылық шарасын Қызылорда қалалық «Нұр» мешіті ұйымдастырды. Дін қызметкерлері мен ерікті жамағат 40 тазалық қызметкеріне азық-түлік қоржынын табыстады.

Іс-шараның мақсаты – ауа-райының қолайсыздығына қарамастан күн-түн демей қала тазылығы мен тұрғындар игілігі үшін қызмет жасап жатқан бірқатар азаматқа мешіт имамдары мен жамағаты атынан қолдау білдіріп, қамқорлық таныту.

Сонымен қатар қалалық «Хазірет Әли», «Алдажар Жәме» мешіттерінің ұйытқы болуымен әлеуметтік жағдайы аз қамтылған 32 отбасыға азық-түлік көмегі берілді.