12 мамыр. Нұр-Сұлтан. Ummet.kz – Бүгін ҚМДБ Діни білім және кадр даярлау бөлімінің меңгерушісі Смайыл Сейітбеков «Астана» медресе-колледжінде болды, деп хабарлайды ҚМДБ баспасөз қызметіне сілтеме жасаған ummet.kz тілшісі.
Смайыл Сейітбеков оқу ордасы ұжымына ҚМДБ Төрағасы, Бас мүфти Наурызбай қажы Тағанұлының бұйрығымен «Астана» медресе-колледжінің директоры болып тағайындалған Бақтыбай қажы Бейсенбаевты таныстырып, қызметіне табыс тіледі.
Сондай-ақ, Діни білім және кадр даярлау бөлімінің меңгерушісі Смайыл Сейітбеков, Нұр-Сұлтан қаласының және «Әзірет Сұлтан» мешітінің бас имамы Ерболат Жүсіпов медресе-колледжді аралап, оқу орнының төтенше жағдайдан кейінгі жұмыс барысын талқылады.
Бөлісу: