29 мамыр. Нұр-Сұлтан. Ummet.kz – Бүгін Қазақстан мұсылмандары діни басқармасының төрағасы Наурызбай қажы Тағанұлы Жаңаөзен қаласында қос шәкіртке білім грантын табыстады, деп хабарлайды ҚМДБ баспасөз қызметіне сілтеме жасаған ummet.kz тілшісі.
«Біз Діни басқарманың 30 жылдық мерейтойы аясында 30 студентке қолдау көрсету игі жобасын қолға алған болатынбыз. Бұған дейін бірқатар облыста шәкірттерге білім грантын табыстадық. Мақсат – ел болашағы болған жастарымыздың толыққанды білім алуына көмектесу. Бүгін екі білім гранты Жаңаөзен қаласындағы қос шәкіртімізге бұйырып отыр. Алла Тағала білімдеріңді арттырып, ел игілігі жолында қызмет ете берулеріңе тілектеспін» деп игі ниетін жеткізді Бас мүфти Наурызбай қажы Тағанұлы.
ҚМДБ білім грантын иеленген қос шәкірттің бірі Айдос Болатұлы – «Нұр-Мүбәрак» университетінің бірінші курс студенті, екіншісі Қуаныш Сайдолла – Алматыдағы «Әбу Ханифа» медресе-колледжінің екінші курс шәкірті.