Алдағы 2016 жылғы ислам туризмі астанасы болып Түркия республикасының Конья қаласы танылды. Бұл жайында Нигер орталығы Ниамейде өткен Ислам ынтымақтастығы ұйымына мүше мемлекеттердің туризм министрлерінің 9-шы конференциясында белгілі болды.
Конья – әлемдегі ең ежелгі шаһарлардың бірі. Бұл өңірге алғаш рет біздің дәуірімізге дейінгі 7 500-ші жылдары адамдар тұрақтай бастаған. Қазіргі Конья мешіттер санымен де ерекше: мұнда XVI ғасырда өмір сүрген Селим сұлтан әмірімен бой көтерген Селимий мешіті бар.
ИЫҰ туризм министрі Конья қаласындағы ас-тағам, қонақүйлер, демалыс орындары мен спорт орталықтарындағы халал инфрақұрылымы деңгейіне жоғары баға берді.
Мүше мемлекеттердің кезекті конференциясында 2017 жылғы ислам орталығы ретінде Сауд Арабиясының Мәдина қаласы, 2018 жыл мәртебесі Иран елінің Тебриз қаласына беру туралы шешім шығарылды. Еске сала кетсек, өткен жылы бұл мәртебе Иерусалим шаһарына берілген болатын.
ummet.kz-ақпарат