Стамбулда 23 мамыр күні Біріккен ұлттар ұйымының Әлемдік гуманитарлық саммиті өтеді.
Ондаған мемлекет басшыларының қатысуымен өтетін жиында 125 млн адамның өміріне зардап әкелген Таяу Шығыс пен Африка елдеріндегі гуманитарлық дағдарысты шешу жолдары талқыланбақ.
БҰҰ бас хатшысы Пан Ги мун әлемдік көшбасшыларды аталған форум жұмысына белсене қатысуға шақырды.
Халықаралық форум жұмысы дөңгелек үстел форматында ұйымдастырылып, бейбіт тұрғындарды жапа шектірген әскери қақтығыстарды тоқтату, гуманитарлық дағдарыстың алдын алу мен инвестициялық көмек көлемін көтеру мәселелері қаралады.
ummet.kz-ақпарат
Бөлісу: