Елімізде болмысы мен сүрлеуі жаңа журнал жарыққа шыға бастады. «Сәулелі сән» - бұл қыз-келіншектерге арналған мұсылмандық сән журналы. Журналдың бас редакторы филология ғылымының кандидаты, журналист Зәмзәгүл Артыққызы Керім Алла разылығы үшін ата дініміздің өркендеуіне қолдан келгенше ат салысуды көптен бері армандаған екен. Міне имандылық иірімдерімен астасқан көркем басылым 2012 жылдың қаңтар айында алғашқы оқырмандарымен қауышты.

Алматыда  ҚР БҒМ Ғылым комитетінің Философия және саясаттану институты Алматы қалалық әкімшілігімен бірлесе отырып «Қазақстан Республикасындағы мемлекеттік-конфессионалдық қатынастардың өзекті мәселелері» атты үйретуші семинар өткізді.

Семинардың негізгі мақсаты өздерінің кәсіби қызметі қоғам өмірінің діни саласымен тікелей байланысты мемлекеттік қызметкерлердің ҚР мемлекеттік-конфессионалдық қатынастар мәселелері жөніндегі ақпараттық деңгейін арттыру болып табылады.

Бүгін ҚР Дін істері агенттігінің төрағасы Қайрат Лама Шәріп Түркияның Қазақстан Республикасындағы Төтенше және Өкілетті Елшісі Лале Улкер ханыммен кездесті.

Аталған агенттік баспасөз қызметінің хабарлауынша, кездесудің барысында төраға 2012 жылдың 30-31 мамырында Астана қаласында Әлемдік және дәстүрлі діндер көшбасшыларының IV съезінің өтетінін және осы іс-шараның Съез қатысушыларының маңызды конфессияаралық проблемаларға және олардың шешілу жолдарына қайтадан көңіл бөлуіне, сондай-ақ әртүрлі сенім өкілдерінің арасында төзімділік пен өзара түсіністікті нығайтуға мүмкіндік беретінін атап өтті.