Мешіт жанында атқарылып жатқан жат ағымның алдын алу жұмысының бірі – ҚМДБ тапсырмасы аясында діни әдебиеттерді қадағалап отыру.
«Әбу Насыр әл-Фараби» мешітінде бас имам Нұрлан Рамазановтың қадағалауымен бұл үрдіс жыл бойы жалғасып келеді.
Кезекті шара аясында мешіт ұстазы Нуриддин Абдусаматұлы құлшылық ордасының аумағында орналасқан «Пайдалы кітаптар», «Әмина» діни дүкендер желісіндегі кітаптарды сараптап, тексеріп шықты. ҚМДБ Діни сараптама бөлімінің тапсырмасы барысында аталған дүкендерде «Muftiyat» баспасынан шыққан, рұқсат етілген бірқатар кітаптардың бар екендігі анықталды.
Іс-шараның негізгі мақсаты – мешіт маңындағы дүкендерде көпшілік оқырман қауымға арналған Ханафи мәзһабы, Матуриди сенім мектебіне сай діни еңбектердің ғана сатылуын қадағалау. Сол арқылы дәстүрімізді қаралайтын, діни сенімімізді бұра тартатын, халқымыздың бірлігіне нұқсан келтіретін деструктивті ағымдарды насихаттайтын діни кітаптардың таралуына жол бермеу.
ummet.kz