Бүгін «Әбу Насыр әл-Фараби» мешітінің ұжымы елордамыздағы тағы жиырма отбасына қуаныш сыйлады.
Әдеттегідей «Сауап» белсенділер тобының атсалысуымен бірге ұйымдастырылған кезекті қайырымдылық шарада әлеуметтік жағдайы төмен отбасыларға бір айлық азық-түлік себеті үлестірілді. «Сауап» белсенділер тобының жанашыр да, қамқор азаматтары мешіт қабырғасында өтетін көптеген қайырымдылық істердің басы-қасынан табылып, әрдайым игі істерге қолдау көрсетіп келеді.
Апта сайын, ай сайын мұқтаж жандарға қайырымдылық танытып келе жатқан мешіт ұжымына келген отбасылар алғыстарын білдірді.
ummet.kz