10 қаңтар. АСТАНА. Ummet.kz – Алматыда 27 ықшамауданның атауы өзгертілді. Бұйрық "Әділет" сайтында жарияланды, деп хабарлайды tengrinews.kz сайтына сілтеме жасаған ummet.kz тілшісі.
Ремизовка ықшамауданы енді Асқартау, Дубок ықшамауданы - Шабыт, Бутаковка - Мұзтау деп аталады. Дорожник ықшамауданы - Көкмайса, Трудовик - Томирис, Первомайский - Кемел, Заря Востока - Шапағат деп өзгертілді.
Сондай-ақ, Алғабас-1-6, Қарағайлы-2, Каменка-3, Дубок-2 ықшамаудандарының да атауы өзгерді. Бұл бастаманы қалалық мәслихат өкілдері көтерген еді.
