Ислам ынтымақтастығы ұйымы (ИЫҰ) құрамындағы Ислам тарихы, өнер және мәдениет ғылыми-зерттеу орталығында (IRCICA) белгілі каллиграф Асылбек Орынбасаровқа ижаза (рұқсатнама, диплом) берілді.
Асылбек Орынбасаров Қазақстаннан шыққан алғашқы кәсіби каллиграф құжатын алды. Ол сондай-ақ Орталық Азия елдерінен (Түрікменстан, Қырғызстан, Өзбекстан, Тәжікстан, Қазақстан) алғаш болып Ферхат Курлу, Мумтаз Дурду ұстаздардан ресми ижаза алды.
Айта кетейік, Ислам ынтымақтастығы ұйымы – әлемдегі ең ірі және ықпалды үкіметтік әрі халықаралық мұсылман ұйымы. Қазіргі уақытта ол жалпы саны шамамен 1,5 миллиард адамды қамтитын 57 елдің басын біріктіріп отыр.
