ҚМДБ Төрағасының орынбасары, наиб мүфти Сансызбай Шоқанов пен Бас мүфтидің кеңесшісі Кенжетай Дүйсенбай іс-сапармен Солтүстік Қазақстан облысында болды.
Олар облыстық «Қызылжар» орталық мешітінде өткен қала және аудан имамдарының білімін шыңдауға арналған семинарға қатысты. Семинар барысында Исламның негізгі мәселелері – ақида, фиқһ, мәзһаб ұстану, сонымен қатар Ихсан ілімі тақырыптары қамтылып, талқыға салынды.
Наиб мүфти Сансызбай Құрбанұлы аталған шараның мәні мен маңызын, көзделген мақсатын айтып түсіндірді.
Тағылымы мол семинарға өңірдің 15-ке жуық имамы қатысты. Үш күндік семинарға қатысқан үміткерлер арнайы сараптамадан өтті. Сараптама қорытындысы бойынша имамдарға арнайы сертификаттар табысталды.
