20 наурыз. АСТАНА. Ummet.kz Кеше ҚМДБ-ның Астана қаласы бойынша өкілі, «Нұр Астана» орталық мешітінің Бас имамы Әбітайұлы Асқар «Әлжан ана» мешітіндегі Ережеп айының құрметіне ұйымдастырылған ауызашарға қатысты.
«Ережеп – Алланың айы, Шағбан айы – менің (с.ғ.с.) айым, ал Рамазан – үмбетімнің айы» деп хадисте айтылғандай, қасиетті үш айлар мұсылман қауымын күнделікті күйбең тірліктен бір ауық бой жазып, рухани құндылықтарын саралап, көзден өткізіп, ақыретіне мол азық жинауға үлкен мүмкіндік,» - деді Өкіл имам. Сондай-ақ, ауызашар үстінде келген жамағатпен тілдесіп, Ережеп айының қадір-қасиеті мен осы айда жасалатын құлшылықтардың маңыздылығы жайында уағыз жасалды.
«Нұр Астана» орталық мешітінің баспасөз қызметі