Бірде аулада ойнап жүрген балалар Имам Ағзамды көргенде, бір-біріне:
«Мына кісі таңға дейін ұйықтамай құлшылық жасайды екен», – дейді.
Имам Ағзам болса, ақшамнан таң арайлағанға дейін емес түннің бір бөлігін ғана ғибадатқа арнаушы еді.
Балалардың сөзін естігенде, көңілі босап: – Раббым, бұл сөзді балалардың аузына салған Сенсің. Олар періштедей сәби ғой. Ант етейін, енді өмірімнің соңына дейін түндерімді толықтай Саған құлшылыққа арнаймын! – дейді.
Осыдан бастап қырық жыл бойы құптан намазының дәретімен таң намазын оқыған деседі.
материал «Тағылым таразысы» кітабынан алынды,
ummet.kz