Зекетті өтемегендер бұл дүниеде жоқшылық пен аштыққа кіріптар болады. Пайғамбарымыз (с.ғ.с) бұл турасында былай дейді:
ما منع قوم الزكاة إلا ابتلاهم الله بالسنين
«Зекет бермеген қауымдарды Алла Тағала міндетті түрде жоқшылық пен аштыққа ұшыратады.» [1]
Басқа бір хадисінде былай дейді:
وَلَمْ يَمْنَعُوا زَكَاةَ أَمْوَالِهِمْ إِلا مُنِعُوا الْقَطْرَ مِنْ السَّمَاءِ وَلَوْلا الْبَهَائِمُ لَمْ يُمْطَرُوا
«...Байлықтарының зекетін бермесе, аспаннан тамшы да тамбайды, егер жан-жануар болмағанда, жаңбыр да жаумас еді...»[2] Яғни Алла Тағала жер бетіндегі тіршілік иелеріне мейірімі түскендіктен ғана жаңбыр жауғызады. Бірақ бұл жаңбырдың дүниеде байлыққа мастанып, Алланың үкімінен бет бұрғандар үшін ешқандай берекеті болмайды.
[1] Табарани 5/26
[2] Ибн Мажә 4019