6 ақпан. Нұр-Сұлтан. Ummet.kz – Республикалық «Әзірет Сұлтан» мешітінің «Инабат» қыз-келіншектер клубы қыздар медресесіне қайырымдылық жасады, деп хабарлайды muslim.kz сайтына сілтеме жасаған ummet.kz тілшісі.
«Әлжан ана» мешіті жанынан ашылған қыздар медресесіне бас мешіт тарапынан біршама азық-түлік жеткізіліп, ілім алып жатқан шәкірттерге қол ұшын берді.
Сондай-ақ, «Әзірет Сұлтан» мешітінің ұстазы Аягөз Абдраманова мен «Инабат» клубы жетекшілері медресе шәкірттеріне ақжарма тілектері мен жылы лебіздерін білдіріп қайтты.
Басқосу соңында шәкірттерге клуб атынан кітаптар сыйға берілді.
