Дубай шаһараның мұрагер ханзадасы шейх Хамдан бен Мохаммед бен Рашид әл-Мактум өзінің Instagram парақшасына әкесі Дубай әмірі, Біріккен араб әмірлігінің вице-президенті, премьер-министр, шейх Мохаммед бен Рашид әл-Мактуммен Лондон метросындағы суретін жариялады.
Әкелі-балалы әл-Мактум Тұманды Альбион метросында дәстүрлі араб киімінде емес, заманауи еуропалық үлгіде киініп, өзге жолаушылармен бірге кетіп барады. Осы сәт түсірілген фотосурет 157 мың қолданушыға ұнап, 4 500 пікір жинаған.
«Дейли Телеграф» басылымының мәліметінше, Дубай әмірі қалалық метрода өз ұлымен бірге ешқандай күзетсіз болған. Ол қарапайым азамат ретінде жолаушылар метросына қала тұрғындары жұмыстан қайтар сәтте мінген.
{youtube}6U0mEt_UY-Q{/youtube}
ummet.kz-ақпарат