Қазақстан мұсылмандары діни басқармасының төрағасы Наурызбай қажы Тағанұлы САК астанасы Эр-Риядта өтіп жатқан Ислам фиқһ академиясының кезекті отырысы аясында бірқатар кездесу өткізді.
Атап айтқанда, Бас мүфти ДИЛ Ислам лигасының хатшысы Абдурахман ибн Абдолла әз-Зайдпен кездесіп, сұхбаттасты.
Кездесу барысында Наурызбай қажы Тағанұлы Лиганың жұмысына табыс тілеп, әлем ғалымдарының басын қосқан айтулы жиынның маңызды екенін атап өтті. Тараптар болашақта ортақ жобаларда екеуара жан-жақты қолдау көрсетуге келісті.
