22 Қараша 2026, Жексенбі 12 Жумад ас-сәни 1448 һ.
Намаз уақыты
Күн 07:37
Бесін 12:05
Екінті 14:36
Шам 16:23
Құптан 17:56

ҚМДБ Төрағасы студенттерді әс-Сығнақи еңбектерін терең оқуға шақырды (фото)

ҚМДБ Төрағасы студенттерді әс-Сығнақи еңбектерін терең оқуға шақырды (фото)

Бүгін Қазақстан мұсылмандары діни басқармасының төрағасы Наурызбай қажы Тағанұлы Алматы қаласына барған сапарында қазақ даласынан шыққан көрнекті ғұлама-ғалым Хусамуддин әс-Сығнақидың 800 жылдық мерейтойына орай ұйымдастырылған «Ислам өркениеті кеңістігіндегі Хусамуддин әс-Сығнақи мұрасы» халықаралық ғылыми-тәжірибелік конференциясына қатысып, студенттерге насихат айтты.

Нұр-Мүбәрак университетінің шәкірттерін терең білім алуға үндеген Бас мүфти: «Осы ретте студенттерімізді діни рухани кеңістігіміздегі бүгінгі күннің түйткілді діни терең сұрақтарға тұщымды, бұлтартпас дәлелдермен жауап беру үшін осы салада жазылған әс-Сығнақи еңбектеріне терең бойлап, ғылым игеруге шақырамын. Өйткені ғұламаның бұл саладағы еңбектері еліміздегі Әбу Ханифа фиқһ мектебін және Матуриди ақида мектебін зерттеуде, оқытып-үйретуде құнды ғылыми әдебиеттердің бірі саналады» деді.