10 Сәуір. Астана. Ummet.kz – Елордамызда «Берекелі мереке» атты рухани кеш өтеді, деп хабарлайды ummet.kz тілшісі.
Қасиетті Рамазан айының құрметіне орай, Қазақстан мұсылмандары діни басқармасының ұйымдастыруымен, «Конгресс-Холл» концерт сарайында «Берекелі мереке» атты рухани кеш өтетін болады.
Кеш барысында «Өнер қырандары» театрының қасиетті айға дайындық, оразаның пайдасы, Рамазан айының қадыр-қасиеті, ораза кезінде көңіл бөлуге тиісті мәселелер, т.б. мазмұндарды арқау еткен танымдық-тағылымды қойылымдары көрсетілумен қатар, иләһи әндер, уағыз-насихаттық бағдарламалар да қарастырылған.
20-сәуірде өтетін рухани кештің билеттерін Елорда мешіттерінен алуға болады.
«Нұр Астана» орталық мешітінің баспасөз қызметі
