Сәкен Сейфуллин атындағы қазақ агро-техникалық университетінде «Ұлттық салт-дәстүр және бүгінгі қоғам» және «Отбасы тәрбие бастауы» тақырыбында кездесу өтті.
«Төлебай» мешітінің наиб имамы Дастан Смагулов аталмыш шара барысында 4 курс студенттеріне қазақ халқының салт-дәстүрі, қоғамдық мәселелер және отбасы тәрбиесі турасында дәріс оқыды. Дастан Зияшұлы жастарға ұлттық салт-дәстүрлер жайында және олардың қазіргі таңдағы қоғамдағы алатын орнын айтып, жастардың ұлттық сана-сезімін ояту керектігін түсіндірді.
Сонымен қатар, студенттерге жан-жақты білім алып, келешекте егеменді еліміздің өсіп-өркендеуіне үлес қосуға шақырды. Сондай-ақ, тәлім-тәрбие отбасынан басталатынын айтып, ата-бабаларымыздан жалғасып келе жатқан ұлттық тәлім-тәрбиені күшейту керектігін айтып жеткізді.
«Нұр Астана» орталық
мешітінің баспасөз қызметі