29 мамыр. Нұр-Сұлтан. Ummet.kz – Қазақстан мұсылмандары діни басқармасының Нұр-Сұлтан қаласы бойынша өкілдігі және «Нұр-Сұлтан қаласы Дін мәселелерін зерттеу орталығы» ЖШС-ның бірлесіп ұйымдастыруымен өтетін «Жазғы лига» ойындарының ашылуы болады, деп хабарлайды ummet.kz тілшісі.
Ертең, мамырдың 30-ы, сағат 18.00-де қала мешіттерінің жамағаттарынан құрылған командалар арасында футболдан «жазғы лига» ойындары маусымының ашылуы жоспарлануда.
Аталмыш іс-шара салауатты өмір салтын қалыптастыру және қала тұрғындарының бос уақыттарын дұрыс пайдалану мақсатында ұйымдастырылады.