Мешіт жамағатына электронды қоларба тарту етілді (фото)

Қасиетті жұма күні республикалық «Әзірет Сұлтан» мешітінде тағы бір қайырымдылық шарасы орын алды.

Мешіт азаншысы Тазабек Исмаиловтың ұйытқы болуымен аты-жөні жасырын қалуды қалаған кәсіпкер азамат мешіт жамағатына электронды қоларба сыйға тартты.

Қасиетті жұмада қайырымдылық жасауды жөн санаған кәсіпкер электронды қоларбаны арнайы мешітке әкеліп, жаңа қожайынына өз қолымен табыстады.