Жиырма екі араб мемлекеті бар. Кейбіреулер араб елі десе, бәрі бай ма екен деп ойлайды. Негізінде төрт-бесеуі Кувейт, Қатар, Сауд Арабиясы, Біріккен Араб Әмірліктері ғана бай болса, қалғандары дамушы немесе кедейшілік жайлаған елдер қатарына жатады.
Сол елдерде көбісі өмір бақи пәтер жалдап күн кешеді екен. Өйткені баспана алуға шамасы жетпейді. Осы жағдайлары жайлы сұраса: "Барлық нәрсе уақытша. Кім үйін, дүниесін арқалап кетіпті? Иманымыз бен амалымызды арқалайық",-деп тағдырына ризашылығын білдіретін көрінеді. Расында да қайсымыз дүниені алып кетеміз? Атам қазақ: "Мал-дүние бір жұттық, батыр бір оқтық",-деген сенімде болды емес пе? Ал, біз қандай болып барамыз?!
Пайғамбарымыз (оған Алланың игілігі мен сәлемі болсын): "...Үмметімнің ширкке түсуіне емес, дүние үшін жарысатындарына қорықамын",- (Бухариде келген) деп осыдан сақтандырды емес пе?! Бұл сөзіммен дүние жинама дегенім емес. Тек, мына өткінші өмірдің мақсаты дүние болмауы керек демекпін.
Ойланайық бауырлар.
"Нұр-Мүбарак" университетінің докторанты.
Қуат Қабдолда