Бұл туралы Бас мүфти Наурызбай қажы Тағанұлы Қазақстан мұсылмандары діни басқармасының Төралқа мәжілісінде дін қызметкерлеріне арналған бағдарлық баяндамасында мәлімдеді.
«Биыл – Ислам әлемінің қорғаны болған бабамыз Бейбарыс сұлтанның 800 жылдығы. Осы мерекелік датаға орай «Мұнара» газеті арнайы айдар ашып, бабамызды көпшілікке тереңірек танытуы тиіс. Сондай-ақ Нұр-Мүбарак университетінде Бейбарыс сұлтанның 800 жылдығына орай халықаралық конференция өткіземіз» деді ҚМДБ Төрағасы.
