Марокко республикасының премьер-министрі Абдульилях Бенкиран Мәдина қаласындағы терактіні есінен адасқандардың іс-әрекеті деп мәлімдеді.
Телефон арқылы «әл-Арабия» телеарнасы тілшісіне қасиетті қаладағы Пайғамбар мешітіндегі жағдай туралы пікір білдіру кезінде премьер-министр «менде бұл нәрсеге пікір беретін күш жоқ» деп, көз жасына ерік берді. Осыдан соң байланыс бірер секундқа үзілді.
Бенкиран қасиетті Рамазан айында Пайғамбар мешіті жанында мұсылманның бір-біріне қол жұмсауы туралы айта келе, қылмыскерлердің ақыл-есінен, жүрек пен сезімнен айырылғанын жеткізді.
ummet.kz-ақпарат