Сауд Арабиясы жыл ішінде 6,4 миллион қажыны қабылдап, 12 млрд $ табысқа кенелді. Бұл жайында корольдіктің туризм жөніндегі ұлттық комитет мүшесі Абдул Гани Хаммад әл-Ансари мәлім етті, деп жазады Marwa.ru.
Оның айтуынша, әр қажы орта есеппен 1874 $ қаражат жұмсаса, оның 35%-ы баспанаға, 25%- ы көлікке, 15%-ы тамақтануға және сый-сияпаттал алуға 15%-ы кетеді.
Бұл шығындар Мекке мен Мәдинадағы мейманханалар мен су, электр қуаты, базар мен наубайхана секілді 30-ға жуық кәсіпорындарға жұмсалады.
Әл-Ансари сондай-ақ қасиетті қос шаһардағы бес жұлдызды мейманханаға тұрақтау құны қажыларға әр тәулікке 133$-дан 533$-ға дейін бағаланатынын да атап айтты.
ummet.kz-ақпарат