13 шілде. АСТАНА. Ummet.kz – Сауд Арабиясында таяу уақытта тамақты ысырап ету құқықбұзушылық болып саналуы мүмкін, деп хабарлайды kazislam.kz сайты.
Тиісті заң жобасы корольдіктің Консультативті кеңесінде қаралу үстінде. Жаңа заң мақсаты – саудиялық қоғамда тағамды тұтыну мәдениетін қалыптастыру.
Айта кетсек, Сауд Арабиясы ас-тағам қалдықтары көлемі бойынша елдер арасында көш басына шыққан. СА-ның әрбір тұрғыны жылына орта есеппен 250 кг ас-тағам тастайды, ал әлемде тағам қалдықтарын тастаудың орташа көрсеткіші – 115 кг.