Сынақ келгендегі мұсылман адамның ұстамдылығы екі дәрежеден тұрады.
Біріншісі – сабыр, екіншісі – ризалық. Дәреже тұрғысынан ризалық сабыр етуден жоғары тұрады. Осы себепті де ғалымдарымыз: «сынаққа сабыр ету – уәжіп, ал ризалық таныту – мустахаб», - деп айтқан. Сынақты ризалықпен қарсы алу – нағыз тақуа құлдардың сипаттарынан.
Омар (р.а) Әбу Мұсаға (р.а) жазған хатында: «Жақсылықтың барлығы – ризалықта. Егер шамаң келсе, ризалық таныт. Олай істей алмасаң сабырлық қыл», - депті.
Лұқман өзінің ұлына: «Мен саған Аллаға жақындататын әрі Оның ашуынан алыстататын сипатты өсиет етейін: Алла Тағалаға ешбір ортақ қоспай құлшылық қыл, саған ұнаса да, ұнамаса да Алланың тағдырына ризалық білдір», - деп өсиет айтқан екен.
материал «Көркем мінез» кітабынан алынды,
ummet.kz