Айша анамыз (Алла оған разы болсын) Пайғамбарымыздың (оған Алланың игілігі мен сәлемі болсын) былай дегенін жеткізеді: «Таң намазының [алдындағы] екі рәкәғат бұл дүниенің барлығынан да қайырлы» (Ахмед, № 25165).
Сондай-ақ, Айша анамыздан (оған Алла разы болсын) жеткен хадисте Алла Елшісі (оған Алланың игілігі мен сәлемі болсын) таң намазының алдындағы екі рәкәғат туралы: «Бұл екі рәкәғат мен үшін қызыл түйеден де қымбат», – деген (Әбу Дәуд әт-Таялиси, № 1601).
Ханафи мәзһабы бойынша таң намазына дейінгі екі рәкәғат намаз – бекітілген сүннеттердің ең абзалы. Бұл намазды тіпті сапарда да жіберуге болмайды. Сондай-ақ, бұл хадистің екі нұсқасы бір-біріне қайшы келмейді, өйткені, арабтар үшін қызыл түйе ең бағалы мүлік болған.
материал «Қызыл түйеден де артық амалдар» кітабынан алынды,
ummet.kz