Алла Тағала «Тәубе» сүресінің 4-7 аятында және «Әли Имран» сүресінің 76-аятында: «Алла тақуа құлдарын жақсы көреді», – деді.
Имам Муслим риуаят еткен хадисте Пайғамбарымыз (Алланың оған игілігі мен сәлемі болсын) былай деген: «Алла Тағала тәқий, ғәний және хафий болған құлдарын жақсы көреді».
Тәқий – Алланың бұйырғанын орындап, тыйғанынан тыйылатын тақуа адам.
Ғәний – адамдарға қол жаймаған бай-қуатты адам.
Хафий – өзін жұртқа жария етпей, тыныш қана белестерін бағындыратын адам.
Алла тақуа құлдарын жақсы көреді деген сөз – Алла оларға жәрдем береді, оларға амандық пен саулық береді, оларға қорған болып, олардың жолын ашып, олармен әрдайым бірге болады деген сөз. Алла Тағала «Тәубе» сүресінің 123-аятында: «Біліп қойыңдар, Алла қашанда тақуа жандармен бірге!», – десе, «Нахл» сүресінің соңғы аятында: «Расында, Алла азабынан қорыққан тақуа құлдарымен әрі үнемі игі істер істейтін ізгі жандармен бірге», – деп ескертті.
материал «Саф жүрек» кітабынан алынды,
ummet.kz