Дұға – құл мен Ұлы құдірет иесі Алла Тағаланың арасындағы ең берік байланыс құралы. Мүмкіндіктері шектеулі пенденің асыл-мұраттарын құдіреті шексіз Жаратқанға білдіріп, жәрдем тілеуі.
Дұға жасаудың формуласы мен реттілігі мынадай:
1. Аллаға мадақ;
2. Пағамбарымыз Мұхаммедке (с.а.с) салауат айту: «Аллаһумма салли ала Мухаммәдин уә ала әли Мухаммәд.»
3. Күнәларыңның кешірімін сұрау;
4. Бірінші ақыреттегі жағдайынды жеңілдетуді сұрау:
- Уа, Раббым, соңымды қайырлы етші;
- Сүйікті құлдарыңның қатарынан қылып, мені назарыңнан шығармашы;
- Қияметте есебімді жеңілдетіп, амал кітабымның оң жағымнан берілуін нәсіп етші;
- Уа, Раббым, Фирдаус жәннатын нәсіп ет.
5. Ары қарай өзіңнің дұға-тілектеріңді айту;
6. Ең соңында «Рәббана әтина» дұғасын оқу:
«Раббәнәә әәтинә фид-дүниә хасанатән. Уә фил-әәхирати хасанатән. Уә қинәә азаабән-наар.»
Я, Раббымыз! Бізге бұл дүниеде де, ақыретте де жақсылық бер. Және бізді жәһаннам азабынан сақта.
7. Салауат айту;
8. «Әумин» деп бет сипау.
материал «Дұғамен өткен 30 күн» кітабынан алынды,
ummet.kz