Кедейліктің тағы бір кілті – қайыр сұрау. Жалпылама айтқанда, қайыр сұраудың өзін дініміз құп көрмейді. Тіпті өзінде бола тұра, мал-мүлкін көбейту үшін қайыр сұрауды ғалымдарымыз бір ауыздан харам екенін алға тартқан.
Пайғамбарымыз (с.ғ.с) өзінің бір хадисінде былай дейді: «Мүміннің ұлық болуы – адамдарға мұқтаж болмауында».
Алла Елшісі (с.ғ.с) өзінің тағы бір хадисінде: «Қандай да бір құл өзіне қайыршылық есігін ашса, Алла оған міндетті түрде кедейлік есігін ашып қояды», басқа бір риуаятта «Оған кедейліктің жетпіс есігін ашады», - дейді.
Пайғамбарымыз (с.ғ.с) мына бір хадисіне зер салыңыз: «Кімде-кім қатты мұқтаж болып, бірақ (еш қайыр сұрамай) сонысын адамдардан жасырар болса, Алла оған күтпеген жерден ризықты үйіп-төгіп береді», - дейді.
материал «Ризық кілттері» кітабынан алынды,
ummet.kz