Бірде бір әйел кісі Хасан Басриге келіп:
"Уа, имам! Дін тазалығы деген не? Діннің мәні неде? Діннің қазынасы деген не?" – деп үш сауал cұрайды.
Сонда Хасан Басри оған:
"Діннің тазалығы – дәрет алу. Діннің мәні – Алладан қорқу және Алладан ұялу. Ал діннің күші – намаз оқу. Сондай-ақ, Алла ұятты құлын жақсы көреді. Діннің қазынасы – білім. Кім дәрет алуды елемесе, иманын таза ұстамағаны. Кімнің ұяты жоқ болса, иманы да жоқ. Кім Алла Тағаладан қорықпаса, иманының мәні болмайды. Кім білім ізденбесе – ол діннің қазынасына жолыға алмайды", - деп жауап береді.