Біліп қой, ей, пенде! Күнә жасаудан барынша сақтан!
Себебі күнә ризықтың тоқтап қалуына себеп болады. Сондықтан Аллаға тәубе ет. Тәубең қабыл болса – нұр үстіне нұр, егер тәубең қабыл болмаса, Алладан жәрдем сұрап, былай деп жалбарын: «Раббымыз! Біз өз-өзімізге зұлымдық қылдық. Егер Сен бізді кешірмесең, әрине біз зиянға ұшыраушылардан боламыз» ("Ағраф" сүресі, 23-аят).
Сен қырық жыл бойы Алланың есігін қақпаған кісі секілді болма (яғни дұға қылмайтын, кешірім тілемейтін, тәубе етпейтін кісілердің қатарына кірме).
Сен үшін ең үлкен қауіп – соңғы сәтіңнің жаман аяқталуы. Алла одан сақтасын! Күнә жүректе қара дақ қалдырады, сол дақ жүректегі иманның шоғын бірте-бірте сөндіреді. Адам күнәнің үстіне күнә жасап, тәубе етпесе, жүрегі қап-қара түнекке айналады (Алла сақтасын, осылайша оның соңы жаман аяқталуы мүмкін).
материал «Тәжул-арус» кітабынан алынды,
ummet.kz