Алланы нақты білсе де, Одан басқаны мадақтаған адамға таңданамын

«Қазына – алтыннан жасалып, үстіне ғибратты сөз жазылған бұйым еді. Онда мына жеті жол жазылған еді: 

1. Өлімді біле тұра, күлген адамға таңданамын.

2. Дүниенің фәни екенін біле тұра, оған талаптанушыға таңданамын.

3. Барлық нәрсенің тағдырмен белгіленгенін біле тұра, қолдан шыққан нәрсеге қайғырған адамға таңданамын.

4. Есепке тартылатынын біле тұра, мал жинаған адамға таңданамын.

5. Жәһәннәм отын біле тұра, күнә істеген адамға таңым бар.

6. Алланы нақты білсе де, Одан басқаны мадақтаған адамға таңданамын.

7. Жәннатты нақты біле тұра, дүниеде рахаттан үміт еткен адамға және шайтанның дұшпан екенін біле тұра, оған бас иген адамға таңданамын» (Ибн Хажер әл-Асқалани, Мүнәббихат 29).

Және осы қиссада ишари мағынамен, Хазіреті Мұса мен Қызырдың (аләйһиссәләм) кездескені екі теңіздің қосылған жері дегені, сыртқы ілімде Хазіреті Мұсаның, ішкі ілімде Қызырдың (аләйһиссәләм) терең теңізге балануы еді.

Хазіреті Мұсаның ләдүнни ілімді үйрену мақсатымен Қызырға (аләйһиссәләм) бағынышты болуы, тасаввуфтағы мүрид-мүршид байланысына ұқсастық тұрғысынан әжептәуір назар аударарлық жәйт. Бұл тұрғысынан әр адам ілімде Хазіреті Мұсадай (аләйһиссәләм) терең болса да, өзінде жоқ бір ілімді үйрену үшін кішіпейілділікпен, қарапайымдылықпен руханият сұлтаны Аллаһ достарының алдында тізе бүгіп, олардың жол көрсетуін сұрай білуі керек десек қателеспеспіз.

материал  «Иманнан ихсанға» кітабынан алынды,

ummet.kz