21
Дүйсенбі,
Қыркүйек

һижри

«Дін – терроризмге қарсы» халықаралық конференциясы өтеді

Ел іші
Жарнама

Астана төрінде «Дін – терроризмге қарсы» атты халықаралық конференция өтеді. Бұл жайында Сенат төрағасы, Әлемдік және дәстүрлі дін көшбасшылары съезі хатшылығының жетекшісі Қасым-Жомарт Тоқаевтың аталмыш шараны ұйымдастыруға байланысты дайындық мәселелері жөнінде жұмыс отырысында мәлім болды, деп хабарлайды E-islam.kz порталы.

Конференция Әлемдік және дәстүрлі дін көшбасшылары съезі хатшылығының XV отырысы қарсаңында, 2016 жылдың 31 мамырында өткізілмек. Ауқымды форумға әлемдік және дәстүрлі дін өкілдері, парламентарилер, сондай-ақ сарапшылар қауымдастығы қатысады деп жоспарланған.

Конференцияға дайындық жөніндегі отырысқа Сенат төрағасының орынбасары Асқар Бейсенбаев, Сенаттың халықаралық қатынастар, қорғаныс және қауіпсіздік бойынша комитет төрағасы Икрам Адырбеков, Сыртқы істер, Мәдениет және спорт министрліктері, Мәдениеттер мен діндердің халықаралық орталығы, өзге де мекемелер мен ведомствалар өкілдері қатысты.

Сенат спикерінің айтуынша, «Дін – терроризмге қарсы» конференциясын өткізу өзектілігі – уақыт талабы. Форум Қазақстан Президенті Нұрсұлтан Назарбаевтың Әлемдік және дәстүрлі дін көшбасшылары съезі аясында көтерген бастамасы негізінде саяси және діни қызмет диалогындағы кезекті кезең болмақ. Қасым-Жомарт Тоқаев жиынға қатысушыларға конференцияны ұйымдастырудағы маңызды да өзекті мәселелерге тыңғылықты әзірлік жасау керектігін тапсырды.

 

 ummet.kz-ақпарат

Бөлісу: