Жұма күні жүніп болып қалсам, бірақ, сол күні ғұсыл алуға мүмкіндік болмаса, таяммум соғып мешітке жұма намазына баруға бола ма?
Егер, қалалы жерде үйге барып, жуынып келем дегенше, жұмаға кешігіп қалатындай үйіңіз алыс жерде орналасқан болса және ертерек шығып, (алыстағы) үйге барып келуге жұмыс орнынан немесе оқу орнынан жібермей жатса, онда ғұсыл үшін таяммум соғуға рұқсат. (Дәретті сумен аласыз).
Сондай-ақ, ауылды жерлерде күннің суықтығы себепті ғұсылдануға мүмкіндігі жоқ кісіге де (мысалы, күн суықта шомылатын моншасы болмаса немесе ақылы моншаға баруға ақшасы болмай жатса т.б.) ғұсылсыздықтан арылу үшін таяммум соғып, жұмаға баруына болады[1].
[1] Хашияту ибн Ғабидин –2/79 бет: Бәбут таяммум.
материал «Заман тудырған сұрақтар» кітабынан алынды,
ummet.kz
