Бірде бір кісі келіп Пайғамбарымызға (с.ғ.с):
– Уа, Алла Елшісі! Мені түнде шаян шағып алды, – дейді.
– Кеш батқанда «Алланың кемел сөздерімен Оның жаратқан мақлұқтарының зиянынан Оған сыйынамын» деп айтсаң ешнәрсе зиян бермейтін еді, - дейді Пайғамбарымыз (с.ғ.с) оған.
Адам өмірде майданда жүрген сияқты, қай жақтан өзіне соққы келерін білмейді. Таңертең-кешке айтатын зікірлер кісінің күнделікті болатын зиян-кесапаттардан сақтайды. Зікір – сауыт, қалқан сияқты. Майданға сауыт-саймансыз шықпағанымыз сияқты күнделікті зікірлерді де тастамауымыз керек.
Зікір – Алланың қамалы. Оған кірген кесапаттардан аман болады. Өзіңді сақта. Біреулер өзін қорғауға денелілерді жалдап, оққағар ұстайды. Сен бір ауыз сөзбен ғана өзіңді қорға!
материал «Компас» кітабынан алынды,
ummet.kz
