Шын мәнінде, Ислам діні – оңай дін. Пайғамбардың (с.а.с.) осы және осыған ұқсас жауаптары Исламның жеңіл екендігін және Алла Тағаланың адам баласына ешқандай ауырлық жүктемегенін көрсетеді.
Алла Тағала: «Алла сендерге жеңілдік қалайды, ауырлық қаламайды»; «Алла кісіге шамасы келетін міндетті ғана жүктейді»; «...сендерге дінде қиындық қылған емес», – деген.
Адамдарға шариғат арқылы жүктелген барлық міндетті амалдар жеңілдігімен және адамзат мүмкіндігінің шегінен шықпайтындығымен ерекшеленеді, өйткені олар аса Дана және Білуші тарапынан келген.
Сондықтан парасатты адамға бұл дүниеде бақытты болып, Ақыретте құтылушылар қатарына қосылу үшін тек қана бойсұну мен құлшылық ету ғана қалады.
материал «Имам ән-Нәуәуи таңдаған қырық хадис шархы» кітабынан алынды,
ummet.kz
