Күйеуі парыз намазын оқып тұрған кезде әйелі келіп ұйыса, намаздары дұрыс. Күйеуінің әйеліне имамдық ететіндігіне ниет етуі шарт емес. Ханафи мәзхабында дұрыс деп қабыл етілген пәтуа осы.
Намаз қашан бұзылады? Егер, кейін келіп ұйыған әйелі күйеуімен қатар тұрып қалып, өкшесі ерінің өкшесімен тұспа-тұс келіп қалса, сол кезде намаз бұзылады. Онда да, бұл жағдайда күйеуі әйеліне имамдық ететіндігіне ниет еткен болуы керек. Дегенмен, сол сәтте (үш рет сүбханаАлла айтатындай уақыт өтпей) әйелі бірден аздап артқа шегініп үлгерсе, немесе ері артқа шегінуін ишарамен білдіріп, әйелі аздап артқа шегінсе, намаздары дұрыс[1].
[1] Ибн Ғабидин: Раддуль Мухтәр. 2/318 бет.
материал «Заман тудырған сұрақтар» кітабынан алынды,
ummet.kz
Бөлісу:
