19
Сейсенбі,
Наурыз

һижри

Төралқа мәжілісінде бөлім басшылары баяндама жасады

Төралқа мәжілісінде бөлім басшылары баяндама жасады

Жаңалықтар
Жарнама

 Қазақстан мұсылмандары діни басқармасы ғимаратындағы «әл-Фараби» залында өткен 2021 жылдың кеңейтілген Төралқа мәжілісінде ҚМДБ-ның бөлім басшылары баяндама жасады.

Сондай-ақ бөлім басшылары облыс имамдарына өңірдегі дін насихатын жандандыруға қатысты бірқатар ұсыныстарын жеткізді. Діни білім және кадр дайындау бөлімінің меңгерушісі Смайыл Сейітбеков өңірлерде діни кадр тапшылығын шешу мәселесіне назар аударды.

Шариғат және пәтуа бөлімінің меңгерушісі Сансызбай Шоқанов ел ішінен жолданған сұрақтарға әдеппен, ыждағаттылықпен жауап беру қажеттігіне тоқталса, Уағыз-насихат бөлімінің меңгерушісі Батыржан Мансұров уағыз айту кезіндегі бірқатар маңызды талаптарды сақтау керектігін алға тартты.

9014c6ab-6b74-4ed5-9d4e-739489085d27.jpg

bd4327eb-e8b9-48d4-b95f-cb314dcd81cd.jpg

d81dd8c0-bb16-4533-b82f-2711dfac0180.jpg

4cc5ab0c-52f5-4fcc-b2e6-859b7dcb2f43.jpg

Ақпарат және қоғаммен байланыс бөлімінің меңгерушісі Марат Бектазинов «Халық арна» телеарнасының аймақтардағы өкілдіктерін ашу уақыт талабы екенін жеткізсе, Діни оңалту бөлімінің меңгерушісі Қанат Алшынбаев жат ағымдар жетегінде кеткен жандарды дәстүрлі жолға түсірудің жаңа тәсілдерімен бөлісті.

Баспа және аударма бөлімінің меңгерушісі Мұрат Әбдіхалықов «Муфтият» баспасының биыл жарыққа шығаратын кітаптарын таныстырса, Мешіт істері бөлімінің меңгерушісі Марат Жаппасбаев өңірлердегі бірқатар мешіттердің атын ауыстырып, оларға ел тарихында ізі қалған тұлғалардың есімін беруді ұсынды.

fb47f9d2-6949-4a92-9721-b85d7032d1f3.jpg

4980f556-9efb-4f9f-9d14-754a2b92167f.jpg

Сондай-ақ Төралқа мәжілісінде Аппарат басшысы Ғылымбек Жәдігерұлы, Бас мүфтидің кеңесшісі Бижігіт Нұржігітұлы, Қажылық бөлімінің меңгерушісі Жанділлә Бекжігітов, Дін істері және талдау бөлімінің меңгерушісі Нұрбек Есмағанбет, Баспасөз хатшысы Ағабек Қонарбайұлы, «Зекет» қорының директоры Талғат Омаров, «Халал Даму» ЖШС директоры Айбек Аташев, Іс басқарушы Ербосын Орын, Бас есепші Лаура Байжарасова, заңгер Зейнеш Сағындықова баяндама жасады. Төралқа мәжілісін ҚМДБ Төрағасының орынбасары, наиб мүфти Ершат Оңғаров жүргізді.

Бөлісу: