13
Сейсенбі,
Сәуір

һижри

Ақпан айында 9725 діни сұраққа жауап берілді

Ақпан айында 9725 діни сұраққа жауап берілді

Жаңалықтар
Жарнама

Шариғат және пәтуа бөлімі мамандары, қала және облыстардағы пәтуаға жауапты қызметкерлер, сондай-ақ республикалық сall-орталығы ақпан айында халықтан түскен жалпы 9725 діни сұраққа жауап берді.

Атап айтқанда, жеке кездесу арқылы 1775 сұраққа, қоңырау шалу арқылы 1934 сұраққа, әлеуметтік желілер арқылы 6016 сұраққа жауап берілді.

Шариғат және пәтуа бөлімінде отбасы құқығына қатысты 46 мәселе қаралып, оның 39-ына тиісті шешім шығарылды. Сондай-ақ 12 кітапқа діни сараптама жүргізіліп, бәріне оң қорытынды берілді.

23-24 ақпан күні Атырау қаласында өткен Ғұламалар кеңесінің ХХІХ мәжілісінде «Екпе егу (вакциналау) үкімі», «Баланы қамқорлыққа алу үкімі» және «Төлем карталарын пайдалану үкімі» атты пәтуалар қабылданды.

Сонымен қатар мүфтияттың сайтында «Сақтандыру шариғатқа сай ма?», «Рамазан айын хабарлаушы жайлы хадис бар ма?», «Онлайн неке қию дұрыс па?», «Жұма күнімен құттықтау бидғат па?» секілді өзекті мәселелер жарияланды.

Еске сала кетейік, кез келген діни мәселені ҚМДБ-ның шариғат және пәтуа ісіне жауапты мамандарынан, сондай-ақ діни ақпарат орталығының (call-center) 8 (7172) 33-30-30 телефон нөміріне қоңырау шалу немесе This email address is being protected from spambots. You need JavaScript enabled to view it. поштасына хат жолдау арқылы сұрап біле аласыздар.

Бөлісу: