Атырау облысы Исатай аудандық орталық мешітінде қайырымдылық акциясы өтті. Шара аясында 50 мұқтаж отбасы бірінші қажеттіліктегі азық-түлікпен қамтамасыз етілді.
«Мешітімізде мұқтаж отбасылардың тізімі бекітілген. Тізім әлеуметтік жағдайы төмен, көпбалалы, жетім, асыраушысыз қалған және мүмкіндігі шектеулі адамдарды қамтиды. Қайырымдылық шарамызға бұл жолы «Капитал Констракшн Гроуп» мекемесі демеушілік жасады» дейді Исатай ауданының бас имамы Шалқар Дәулетханұлы.