Маңғыстау облыстық орталық «Бекет ата» мешітінің ұйымдастыруымен өткен «Білім – сарқылмас қазына» атты семинарына қатысушыларға «Qamqor-Sharapat» салттық қызмет көрсету орталығының жұмысы түсіндірілді.
Іс-шара барысында облыс бас имамы Әнуар Ізімбайұлы бас мүфти Наурызбай қажы Тағанұлының тікелей бастамасымен жаңадан ашылған салттық қызмет көрсету жұмысымен айналысатын «Qamqor-Sharapat» орталығының қызметі туралы айтып, осы мекеменің Маңғыстау облысы бойынша жауапты өкілі Мұхамбет Исағалиұлын таныстырды.
Мұхамбет Исағалиұлы «Qamqor-Sharapat» салттық мекемесінің қызметі туралы айтып өтіп, жаназа және жерлеу рәсіміндерінде бірізділікті қалыптастырудың маңыздылығына тоқталды.
Бөлісу:
