Алматы қаласының бас имамы Төлеби Дәділұлының бастамасымен дін қызметкерлері арасында шағын футболдан турнир өтті.
Әуезов ауданы имамдарының ұйымдастыруымен өткен теңбіл доптан сайыс қала бойынша мешіттегі имамдар құрамасынан тұратын 8 команда өзара бақ сынасты. Турнир екі кезеңнен тұрды, топтық кездесулер және плей-офф кезеңі. Салауатты өмір салтын сақтаған сайыпқыран ойыншылар арасындағы бәсекенің әр кезеңі тартысты өтті.
Турнир қортындысы бойынша 1 орын – ұмра қажылығына 5 жолдаманы «Тастақ» командасы қанжығасына байлады. 2 орын – 500 000 теңге қаржылай жүлдені «Елімай» командасы еншіледі. Ал жүлделі 3 орын – 250 000 теңге – «Барыс» командасына бұйырды.
Жарыста ерекше көзге түскен үздік қақпашы мен үздік шабуылшы да арнайы марапатталды.