Құран Кәрім аяттарын барынша әсемдеп жазу Алланың разылығына бөлейтін сауапты амал. Әрі каллиграфияға көңіл бөлу Құран аяттарына деген құрметтен туындаған.
«Әбу Насыр әл-Фараби» мешітінде Құран аяттарын көркем жазу туындыларының көрмесі мен көркем жазу үлгісі бойынша шеберлік дәрістері өтуде. Ізгі шара Иран Ислам Республикасының Қазақстан Республикасындағы елшілігінің мәдени өкілдігі мен «Әбу Насыр әл-Фараби» мешітінің бірлесе атсалысуымен өткізіліп жатыр.
Мұсылман каллиграфиясы – бейнелеу өнерінің жоғары жетістігі ретінде қабылданып, көркем сурет жанрында ерекше орын алған. Ерте заманнан бері мұсылмандар каллиграфияны «көркем өнердің ең озығы» деп таныған. Каллиграфия немесе әсемдеп хат жазу үлгісі Ислам діні дамытқан өнер түрлерінің арасындағы ең ерекшесі. Айта кетейік, аталған шара 30-сәуір күні Құран аяттарын көркем жазу туындыларының көрмесімен ашылып, 1-мамыр күні көркем жазу үлгісі бойынша шеберлік дәрістерімен жалғасатын болады.
ummet.kz
