Бүгін Астана қаласындағы «Әбу Насыр әл-Фараби» және «Ақмешіт» мешіттерінің бүлдіршін шәкірттері республикалық Бас мешітке барып, зиярат жасады.
Бас мешіттің ұстазы Хамит Мырзагелдиев мектеп балаларына арналған Құран жаттау курстарында білім алып жүрген балаларға Бас мешіттің тыныш-тіршілігімен, құлшылыққа арналған бөлмелермен арнайы таныстырды.
«Әбу Насыр әл-Фараби» мешітінің ұстазы Нуриддин Абдусамадұлы мешітте жақында ашылған «Дін мен дәстүр» орталығында балаларға «Пайғамбарымыздың (с.ғ.с) бала тәрбиесі қалай болды?» тақырыбында көркем уағыз, насихат айтты.
Болашақ қари, хафиз атанатын шәкірттерге арнайы дастархан жайылып, тәттілер ұсынылды. Ізгі шара соңында Бас мешіттің медиа бөлмесінде шәкірттер арнайы үлкен экраннан имандылыққа тәрбиелейтін ғибратқа толы мультхикая тамашалады.
ummet.kz
