21
Бейсенбі,
Қараша

һижри

Бас мүфти медресе шәкірттерімен кездесті

Бас мүфти медресе шәкірттерімен кездесті

Ел іші
Жарнама

9 қыркүйек. Нұр-Сұлтан. Ummet.kzЖамбыл облысына арнайы іс-сапармен келген Қазақстан мұсылмандары діни басқармасының Төрағасы, Бас мүфти Серікбай қажы Ораз «Һибатулла Тарази» медресесінің шәкірттерімен жүздесті, деп хабарлайды asyldin.kz сайтына сілтеме жасаған ummet.kz тілшісі.

Жиынға ҚМДБ-ның Жамбыл облысындағы өкілі, облыстық мешіттің бас имамы, медресе директоры Қанат Жұмағұл, ұстаздар мен барлық 1,2,3 курстың шәкірттері қатысты.

Хазірет студенттерді жаңа оқу жылымен құттықтап, діни білім алу жолында үлкен сәттілік пен мол ықыласты болуларын тіледі.

«Білімді шыңдау керек. Өйткені, қазіргі уақыт білімдінің заманы. Бұрынғы кездердегідей кадр тапшылығы жоқ, орны толып келе жатыр. Сондықтан бізге сапалы, білікті мамандар қажет», - деп атап өтті Бас мүфти.

Аталған оқу орнын бітірген соң ЖОО-на түсіп, оны дамыта түсу керектігін сөз қылып, Алматыдағы Нұр-Мүбарак университетін тілге тиек етті. Сонымен қатар, Нұр-Сұлтан қаласында имамдардың білімдерін тереңдетуге арналған оқу орнының ашылатынын айтып сүйіншіледі. 

Бөлісу: